BAKI, 2 aprel. TELEQRAF
ABŞ Prezidenti Donald Tramp bu gün Ağ Evin bağında keçiriləcək tədbirdə qlobal ticarət tərəfdaşlarına qarşı yeni gömrük rüsumlarını elan etməyi planlaşdırır.
Teleqraf xəbər verir ki, Ağ Evin sözçüsü Karolin Levitt bildirib ki, yeni rüsumlar Trampın bu barədə Bakı vaxtı ilə 00:00-da elanından dərhal sonra qüvvəyə minəcək, avtomobil idxalına tətbiq ediləcək 25%-lik qlobal tarif isə aprelin 3-dən qüvvəyə minəcək.
Levitt tariflərin miqyası və əhatə dairəsi barədə çox detallı məlumat verməsə də, Trampın xarici hökumətlərin və biznes liderlərinin vergi dərəcələrinin azaldılması ilə bağlı çağırışlarını dinləməyə açıq olduğunu bildirib. O, həmçinin bir çox ölkənin artıq Ağ Evlə əlaqə saxladığını qeyd edib.
Ağ Ev rəhbəri tariflərlə bağlı addımlarını ABŞ-də istehsalı yenidən canlandırmaq və qlobal ticarət sistemini dəyişdirmək cəhdi kimi dəyərləndirib.
