SUMQAYIT, 18 mart. TELEQRAF

Sumqayıt şəhərində dəm qazından ölüm hadisəsi baş verib.

Teleqraf-ın yerli bürosu xəbər verir ki, hadisə şəhərin Sülh prospektində yerləşən fərdi yaşayış evlərindən birində qeydə alınıb.

Məlumata görə, 1987-ci il təvəllüdlü Xəyalə Əzizbəy qızı Kərimova yaşadığı evdə dəm qazından zəhərlənib.

Onun meyiti yaşadığı evdə aşkarlanıb. İlkin ehtimallara görə, qadın qaz sızması nəticəsində zəhərlənərək həyatını itirib.

Faktla bağlı hüquq-mühafizə orqanları tərəfindən araşdırma aparılır.