BAKI, 9 iyun. TELEQRAF

Azərbaycan millisi yoldaşlıq oyununda San-Marino ilə qarşılaşıb.

Teleqraf xəbər verir ki, görüş yığmamızın 2:1 hesablı qələbəsi ilə başa çatıb.

Macarıstanın Sombatxey şəhərində yerləşən "Haladaş" stadionunda baş tutan matçda hesabı meydan sahibləri açıblar. San Marino millisinin heyətində Nikola Nanni 9-cu dəqiqədə fərqlənib.

Azərbaycan yığması 28-ci dəqiqədə tarazlığı bərpa edib. Rəhman Daşdəmirov dəqiq zərbə ilə hesabı bərabərləşdirib.

İkinci hissədə millimiz önə keçib. Renat Dadaşov 50-ci dəqiqədə rəqib qapısına yol taparaq komandamıza qələbə qazandırıb.