BAKI, 10 aprel. TELEQRAF

“Barselona”nın yarımmüdafiəçisi Rafinya “Borussiya” (Dortmund) ilə oyunda komandasının qələbəsində böyük pay sahibi olub.

Teleqraf xəbər verir ki, istedadlı oyunçu almanlarla matçda 1 qol vurub və 2 məhsuldar ötürmə edib.

Braziliyalı futbolçunun cari mövsümdə Çempionlar Liqasında (ÇL) 12 qolu və 7 məhsuldar ötürməsi var. Yəni, “qol+ötürmə” sistemi üzrə 19 xala sahibdir.

Beləliklə, Rafinya 2011/12 mövsümündə “Barselona”da Lionel Messinin 14 qol və 5 məhsuldar ötürmə (19 xal) rekordunu təkrarlayıb.

Qeyd edək ki, “Barsa” öz meydanında ÇL-in 1/4 final mərhələsinin ilk oyununda “Borussiya”nı böyük hesabla (4:0) məğlub edib.