BAKI, 3 aprel. TELEQRAF

Azərbaycanın yeniyetmə cüdoçuları aprelin 5-də Çexiyanın Teplitse şəhərində start götürəcək Avropa Kubokuna qatılacaq.

Federasiyanın mətbuat xidmətindən Teleqraf-a verilən məlumata görə, iki gün davam edəcək yarışda 16 çəki dərəcəsində 33 cüdoçu mübarizə aparacaq.

Onlardan 17-si oğlan, 16-sı qızdır.

Yeniyetmə oğlanlardan ibarət komandaya baş məşqçi Emin İskəndərov, məşqçi Nicat Şıxəlizadə, yeniyetmə qızlardan ibarət yığmaya baş məşqçi Elnur İsmayılov və məşqçi Əmrah Əhmədov rəhbərlik edəcək.

Oğlanlar: İbrahim Talıbov, Anar Quliyev (hər ikisi 50 kq), Məhəmmədəli Hüsiyev, Rəsul Əlizadə (hər ikisi 55 kq), Zeyd Ələsgərov, Röyal Qayıbov (hər ikisi 60 kq), Əli Hümbətov, Özqan Quliyev (hər ikisi 66 kq), Məhəmməd Ağakişiyev, Ayxan Həsənli, Səid Şərifov (hər üçü 73 kq), Amin Mehdiyev, Abdullah Rəhmətov (hər ikisi 81 kq), Səid Hüseynov, Nurəddin Əliyev (hər ikisi 90 kq), Sübhan Axundov, Tunar Fərzəliyev (hər ikisi +90 kq)

Qızlar: Mədinə Hüseynova (40 kq), Gülşən Hüseynova, Xədicə Abdullayeva, Fatimə Abdullayeva (hər üçü 44 kq), Leyla Ələkbərova, Nərmin Ağamirzadə, Könül Eyvazlı, Nərgiz Əhmədova (hamısı 48 kq), Tövsiyyə Babayeva (52 kq), Aliyə Rüstəmova, Nəzakət Vəliyeva, Gülnaz Məmmədtağıyeva (hər üçü 57 kq), Ayan Əliyeva (63 kq), Məsumə Məmmədli, Rəna Əhmədova (hər ikisi 70 kq), Zemfira Əliyeva (+70 kq).

Qeyd edək ki, turnirdə 38 ölkədən 857 idmançı mübarizə aparacaq.