BAKI, 27 fevral. TELEQRAF
Avropanın yeraltı anbarlarında (UGS) qaz ehtiyatları son üç ildə ilk dəfə 40%-dən aşağı düşüb.
Teleqraf xəbər verir ki, istilik mövsümü başlayandan Avropa İttifaqının yeraltı qaz anbarlarından xalis çəkilmə (çıxarma və vurulma həcmi arasındakı fərq) təxminən 61,5 milyard kubmetr təşkil edib.
Təkcə fevral ayının 25-də Aİ ölkələrindəki anbarlardan qaz çıxarılması 452 milyon kubmetr olub.
Avropanın yeraltı anbarlarından istifadə mövsümü 2024-cü il martın 31-də başa çatıb. O zaman ehtiyatların həcmi 58,44% idi.
Hazırda Avropanın yeraltı qaz anbarlarının doluluq səviyyəsi 39,93% təşkil edir. Bu, son beş ildəki orta göstəricidən 11,24 faiz bəndi aşağıdır. Nisbi baxımdan nəinki son payız-qış dövrünün sonu, o cümlədən 2010-2011-ci illərin istilik mövsümünün sonundakı göstəricidən aşağıdır.
Avropada istilik mövsümü 2024-cü ilin oktyabrın 29-da (son payız-qış mövsümündən 10 gün tez) başlayıb.
