BAKI, 21 noyabr. TELEQRAF

Peruda 6,9 maqnitudalı zəlzələ qeydə alınıb.

Teleqraf xəbər verir ki, bu barədə Avropa-Aralıq dənizi Seysmoloji Mərkəzi (EMSC) məlumat yayıb.

Mərkəzin məlumatına görə, yeraltı təkanların episentri 370 mindən çox əhalisi olan Uankayo şəhərindən 111 kilometr şimal-qərbdə yerləşib.

Zəlzələnin ocağı 118 kilometr dərinlikdə qeydə alınıb.

Dağıntılar və mümkün insan tələfatı barədə hələlik məlumat verilməyib.