BAKI, 25 sentyabr. TELEQRAF

İran Yəmənin “Ənsar Allah” hərəkatına (husilər) göstəriş vermir və onların fəaliyyətinə görə məsuliyyət daşımır.

Teleqraf TASS-a istinadən xəbər verir ki, bunu İran Prezidenti Məsud Pezeşkian “Fox News” telekanalına müsahibəsində bildirib.

“Husilər öz hərəkətlərinə görə özləri məsuliyyət daşıyırlar. Onlar bizdən göstəriş almırlar”, – Pezeşkian deyib.

İran Prezidenti bildirib ki, Tehran husilərlə əlaqə saxlayır, lakin tərəflər arasında sistemli münasibətlər mövcud deyil.