BAKI, 13 avqust. TELEQRAF
İtaliyanın Roma şəhərindən təxminən 40 km cənub-şərqdə, Kolleferro şəhəri yaxınlığındakı bir sursat fabrikində partlayış baş verib.
Teleqraf xəbər verir ki, bu barədə "Frans Press" agentliyi məlumat yayıb.
Hadisə yerinə yanğınsöndürənlər və polis əməkdaşları gəlib. Hüquq-mühafizə orqanlarının əməkdaşlarının sözlərinə görə, müəssisədə "mürəkkəb əməliyyatlar" aparılır, lakin hadisənin təfərrüatları hələlik açıqlanmayıb.
İtaliyanın ANSA xəbər agentliyinin məlumatına görə, fabrik Almaniyanın müdafiə şirkəti KNDS-ə məxsusdur. Müəssisə quru və dəniz qüvvələri üçün orta və iri çaplı sursat istehsalında ixtisaslaşıb.
Partlayışın səbəbi və ya mümkün xəsarətlər barədə hələlik heç bir məlumat daxil olmayıb.
