BAKI, 11 avqust. TELEQRAF

Venesuelada baş verən dağıdıcı zəlzələ nəticəsində ölənlərin sayı 6 301 nəfərə çatıb.

Teleqraf xəbər verir ki, bu barədə Venesuela Milli Assambleyasının sədri Xorxe Rodriges məlumat yayıb.

Məlumata görə, axtarış-xilasetmə əməliyyatları zamanı 6 462 nəfər xilas edilib, 73 356 nəfərə tibb müəssisələrində yardım göstərilib.

Evsiz qalan sakinlərə 287 yaşayış evi verilib. Bundan başqa, zəlzələ nəticəsində zərər görmüş 53 314 tikiliyə baxış keçirilib və onların vəziyyəti qiymətləndirilib.

Qeyd edək ki, zəlzələ iyunun 24-də Venesuelada baş verib. Təxminən 40 saniyə fasilə ilə 7,2 və 7,5 maqnitudalı iki güclü yeraltı təkan qeydə alınıb. Zəlzələlərin episentrləri Yaracuy ştatında bir-birindən təxminən 10 kilometr məsafədə yerləşib.

Əsas təkanlardan sonra ölkədə 1 500-dən çox afterşok qeydə alınıb.