BAKI, 23 iyul. TELEQRAF
ABŞ Nümayəndələr Palatası ABŞ Prezidenti Donald Trampdan İrana qarşı hərbi əməliyyatlara son qoymağı tələb edən qətnaməni təsdiqləyib.
Teleqraf xəbər verir ki, bu barədə ABŞ mediası məlumat yayıb.
Səsvermədə 214 lehinə, 208 əleyhinə səs verildi. Təşəbbüsü, digərləri ilə yanaşı, hakim Respublikaçılar Partiyasını təmsil edən Konqresin aşağı palatasının dörd üzvü dəstəklədi. Qətnamə "Prezidentə ABŞ Silahlı Qüvvələrinin İran İslam Respublikasına qarşı döyüşdə istifadəsini dayandırmağı tapşırır" və mümkün quru əməliyyatlarını faktiki olaraq qadağan edir. Lakin, bu, ABŞ hökumətinin icra hakimiyyəti üçün məcburi deyil və tövsiyə xarakteri daşıyır. Bu cür sənədlərdə qanunvericilər öz mövqelərini ifadə edirlər. Amerika administrasiyasının onları görməməzlikdən gəlmək hüququ var.
ABŞ Konstitusiyası müharibə elan etmək səlahiyyətini prezidentə deyil, Konqresə verir. Lakin son onilliklərdə Amerika liderləri xaricdə hərbi güc tətbiq etmək, o cümlədən mahiyyət etibarilə yeni əməliyyatlara başlamaq üçün qanunvericilik səlahiyyətlərini çox geniş şəkildə şərh ediblər.
Oxşar qətnamənin yaxın saatlarda Konqres Senatında səsə qoyulması mümkündür.
