BAKI, 20 may. TELEQRAF
ABŞ hakimiyyəti Kuba inqilabının liderlərindən biri olan ordu generalı Raul Kastroya qarşı ittiham irəli sürüb.
Teleqraf xəbər verir ki, bu barədə "Reuters" agentliyi Vaşinqton administrasiyasının rəsmisinə istinadən məlumat yayıb.
Nəşr konkret hansı ittihamların müzakirə olunduğunu dəqiqləşdirmir.
"CBS News" əvvəllər bildirmişdi ki, ittihamlar 1996-cı ildə Kuba Hərbi Hava Qüvvələrinin Mayamidə yerləşən mühacir təşkilatı "Brothers to the Rescue"a məxsus iki təyyarəni vurması ilə əlaqəli ola bilər. Kanalın xəbər verdiyi kimi, Florida prokurorluğu bu ilin əvvəlində iş üzrə istintaqı yenidən açıb.
“Axios”un verdiyi məlumata görə, Mərkəzi Kəşfiyyat İdarəsinin direktoru Con Retkliff Kubaya səfəri zamanı Vaşinqtonun adanın islahatlar aparması şərti ilə iqtisadi və təhlükəsizlik məsələləri üzrə əməkdaşlıq etməyə hazır olduğunu bildirib. 5 martda ABŞ prezidenti Donald Tramp Vaşinqtonun İrana qarşı hərbi əməliyyat başa çatdıqdan sonra Kuba ilə bağlı əlavə tədbirlər planı hazırlamağa başlamaq niyyətində olduğunu açıqlayıb.
