BAKI, 16 noyabr. TELEQRAF

Belçika Rusiyanın Ukraynaya raket və pilotsuz uçuş aparatları ilə zərbə endirməsini qətiyyətlə pisləyir və bu açıq şəkildə müharibə cinayətləri kimi müəyyən edilməlidir.

Teleqraf xəbər verir ki, bu fikirləri "X" şəbəkəsində Belçikanın xarici işlər naziri Maksim Pravo yazıb.

“Belçika son həftələrdə Ukraynanı vuran Rusiyanın kütləvi zərbələri dalğasını ən sərt və ən aydın ifadələrlə qınayır”, - Pravo yazıb.

O, zərbələrin qəsdən mülki əhalini, yaşayış məntəqələrini, xəstəxanaları, enerji infrastrukturunu və həyati əhəmiyyətli xidmətləri hədəf aldığını vurğulayıb.

“Onlar uşaqlar da daxil olmaqla günahsız insanları öldürüb yaraladılar, bütün icmaları qorxu və qaranlıqda qoydular”, - Belçikanın xarici işlər naziri bildirib.