BAKI, 2 sentyabr. TELEQRAF

Husilər pilotsuz uçuş aparatları (PUA) ilə dörd obyektə, o cümlədən İsrail ordusu Baş Qərargahının binasına hücum ediblər.

Teleqraf xəbər verir ki, bu barədə hərəkatın sözçüsü Yəhya Sariya husilərə məxsus "Al Masirah" telekanalının efirində bildirib.

O qeyd edib ki, PUA-lar Ben Qurion hava limanını, Aşdod dəniz limanını və Tel-Əvivdəki elektrik stansiyasını hədəf alıb.

Onlar həmçinin Qırmızı dənizdə "MSC ABY" gəmisinə raket hücumu etdikləri barədə də məlumat veriblər.