BAKI, 29 iyul. TELEQRAF

Fransa Avropa İttifaqı ilə ABŞ arasında ticarət sazişini pisləyib və onu “tabeçilik” adlandırıb.

Teleqraf xəbər verir ki, bu barədə “Reuters” məlumat yayıb.

Məlum olduğu kimi, çərçivə sazişi ABŞ-nin gələn aydan etibarən əksər AB mallarına 15% idxal tarifi tətbiq edəcəyini nəzərdə tutur.

Agentlik Fransanın Baş naziri Fransua Bayrudan sitat gətirib: "Bu, ortaq dəyərləri təsdiqləmək və ümumi maraqları müdafiə etmək üçün birləşən azad xalqların ittifaqının tabeçiliklə barışdığı qaranlıq gündür".

Fransa Prezidenti Emmanuel Makron isə sövdələşməni şərh etməyib.