BAKI, 14 may. TELEQRAF

ABŞ prezidentinin xüsusi nümayəndəsi Stiven Witkoff Dohada açıqlama verərək bildirib ki, o və ABŞ Dövlət katibi Marko Rubio Ukrayna üzrə danışıqlarda iştirak etmək məqsədilə mayın 16-da İstanbula gedəcək.

Teleqraf xəbər verir ki, bu barədə məlumatı "Reuters" agentliyi yayıb.

Qeyd edək ki, danışıqlar 2022-ci ildə dayandırılmış birbaşa Rusiya-Ukrayna dialoqunun bərpası məqsədi daşıyır. Rusiya Prezidenti Vladimir Putin mayın 11-də Ukrayna hakimiyyətini ilkin şərt olmadan danışıqlara başlamağa çağırıb və təklif edib ki, görüş mayın 15-də İstanbulda başlasın.

Ukrayna Prezidenti Volodimir Zelenski isə mayın 15-də İstanbula gələcəyini açıqlayıb.

***

18:28

BAKI, 14 may. TELEQRAF

ABŞ Dövlət katibi Marko Rubio bu həftənin cümə günü İstanbula səfər edəcəklər.

Teleqraf xəbər verir ki, bu barədə ABŞ prezidentinin xüsusi nümayəndəsi Stiv Uitkoff bildirib.

Səfərin məqsədi hələlik açıqlanmıyıb.