BAKI, 5 aprel. TELEQRAF

Ənsarulah (Husilər) hərəkatı İsrailin Təl-Əviv bölgəsindəki hərbi hədəfinə pilotsuz təyyarə ilə zərbə endirib.

Teleqraf xəbər verir ki, bu barədə məlumatı hərəkatın silahlı qüvvələrinin nümayəndəsi Yəhya Səriya “Əl Məsir” telekanalının efirində bildirib.

Səriyanın sözlərinə görə, hücum Yaffa bölgəsindəki hədəfə yönəlib. Husilər “hərbi hədəfi məhv etmək” üçün pilotsuz təyyarədən istifadə ediblər, lakin zərbənin nəticələrinin təfərrüatı açıqlanmayıb. İsrail tərəfi hələlik insidentlə bağlı açıqlama verməyib.