BAKI, 23 mart. TELEQRAF

ABŞ Ukrayna böhranının həlli üçün Səudiyyə Ərəbistanında Rusiya ilə danışıqlardan real irəliləyiş gözləyir.

Teleqraf xəbər verir ki, bunu ABŞ prezidentinin xüsusi nümayəndəsi Stiven Vitkoff deyib.

“Düşünürəm ki, martın 24-də Səudiyyə Ərəbistanında, xüsusən də Qara dənizdə atəşkəslə bağlı real irəliləyiş olacaq, bundan sonra təbii olaraq tam atəşkəsə doğru addımlar atacağıq”, - o bildirib.