CƏLİLABAD, 23 dekabr. TELEQRAF

Cəlilabad rayonunun Uzuntəpə kəndində avtomobil vuran qadın xəstəxanada ölüb.

Teleqraf-ın Cənub bürosu xəbər verir ki, kənd sakini, 1947-ci il təvəllüdlü Quliyeva Südavər dünən axşam saatlarında avtomobil vurması nəticəsində xəstəxanaya çatdırılıb.

Həkimlərin səyinə baxmayaraq, o, xəstəxanada dünyasını dəyişib.

Faktla bağlı araşdırma aparılır.

***

22 dekabr

19:07

Cəlilabadda avtomobil yol keçən piyadanı vurub.

Teleqrafın Cənub bürosu xəbər verir ki, hadisə rayonunun Uzuntəpə kəndi ərazisində baş verib.

İlkin məlumata görə, yolu keçmək istəyən kənd sakini, 1947-ci il təvəllüdlü Quliyeva Südavər Bəylər qızını “Ford Transit” markalı avtomobil vurub.

Qəza nəticəsində piyada ağır xəsarətlər alıb və dərhal xəstəxanaya çatdırılıb. Hazırda onun vəziyyətinin ağır olduğu bildirilir.

Faktla bağlı araşdırma aparılır.