Türkiyə Silahlı Qüvvələrinin (TSK) 97 zirehli texnikası gecə saatlarında Suriyaya daxil olub. Süleyman Şah türbəsindəki türk əsgərlərinin çətin vəziyyətə düşməsi TSK-nı hərəkətə keçirib.

Teleqraf.com-un məlumatına görə, 572 əsgər və 15 MİT (Milli Kəşfiyyat Təşkilatı) üzvünün iştirak etdiyi "Şah Fırat"əməliyyatı uğurla yekunlaşıb. Türbədə olan 38 türk əsgəri Türkiyəyə gətirilib. Əməliyyat zamanı 1 türk əsgəri şəhid olub.

Süleyman Şah türbəsi yenidən nəzarət altına alınıb. Türkiyə bayrağı "Suriya eşməsi" adlı əraziyə sancılıb.

Qeyd edək ki, Süleyman Şah türbəsi, Türkiyənin sərhədlərindən kənarda sahib olduğu yeganə yerdir.