BAKI, 22 mart. TELEQRAF

Azərbaycanlı MMA döyüşçüsü Nazim Sadıxov UFC 327 turnirindən çəkilib.

Teleqraf xəbər verir ki, o, bu barədə “Instagram” hesabında məlumat yayıb.

Sadıxov buna səbəb kimi zədəsini göstərib: “Dostlar, UFC 327-dən çəkildim. Zədələnmişəm, hazırda bərpa prosesi keçirəm. Mümkün qədər tez qayıtmağa çalışacağam. Hamınıza təşəkkür edirəm, tezliklə görüşənədək”.

Qeyd edək ki, Nazim Sadıxov aprelin 11-də ABŞ-nin Mayami şəhərində keçirilməsi planlaşdırılan UFC 327 turnirində Markel Mederoşla qarşılaşmalı idi.