BAKI. 5 aprel. TELEQRAF

Rusiyanın sərbəst güləş üzrə ikiqat olimpiya çempionu Abdulraşid Sadulayev aprelin 7-də Slovakiyanın paytaxtı Bratislavada start götürəcək Avropa çempionatında iştirak edə bilməyəcək.

Teleqraf-ın məlumatına görə, bu barədə yığmanın baş məşqçisi Hacımurad Qatsalov TASS-a açıqlama verib.

Qatsalov bildirib ki, 28 yaşlı idmançı üçün viza müraciətinə imtina cavabı gəlib. Baş məşqçi 97 kq çəki dərəcəsində onun yerinə Maqomed Kurbanovu aparacaqlarını söyləyib.

Sadulayevə imtina cavabı verilməsinin Dağıstanda biznes məsələlərində yaşadığı qalmaqalla bağlı olduğu güman edilir. Rusiya İdman Güləşi Federasiyasının prezidenti Mixail Mamiaşvili isə titullu idmançının Şengen zonasına girişinə qadağa qoyulduğunu bildirib.

Sərbəst, yunan-Roma və qadın güləşi üzrə dünya çempionatı aprelin 13-də yekunlaşacaq. Azərbaycanı 97 kq çəkidə Abubakr Abakarov təmsil edəcək. Rusiya yarışda netral statusda - himn və bayraqsız mübarizə aparacaq.

Qeyd edək ki, Abdulraşid Sadulayev olimpiya çempionluqlarından əlavə, 6 dəfə dünya, 4 dəfə Avropa çempionu olub. 2024-cü ilin fevralında o, Rumıniyada keçirilmiş Avropa çempionatına da viza səbəbindən qatıla bilməyib.