BAKI, 9 mart. TELEQRAF
Türkiyənin Antalya şəhərində yeniyetmə cüdoçular arasında Avropa Kubokuna start verilib.
Teleqraf xəbər verir ki, yarışın ilk günündə Azərbaycan komandası aktivinə 1 gümüş və 2 bürünc medal yazdırıb.
Qızların mübarizəsində - 48 kq çəkidə Könül Eyvazlı gümüş, Leyla Ələkbərova bürünc medalın sahibi olub.
Oğlanlar arasında - 60 kq çəki dərəcəsində Röyal Qayıbov bürünc medal qazanıb.
Qeyd edək ki, turnirdə ümumilikdə 24 ölkədən 448 idmançı mübarizə aparır.
