BAKI, 3 aprel. TELEQRAF
Rusiya ümid edir ki, Ermənistanın Avrasiya İqtisadi Birliyi (AİB) üzvlüyünün bütün faydaları və buradan çıxmağın nəticələri erməni cəmiyyətinə izah olunacaq.
Teleqraf xəbər verir ki, bunu Rusiya xarici işlər nazirinin müavini Mixail Qaluzin deyib.
“Rəsmi İrəvan harada olmağın daha yaxşı olduğuna qərar verməlidir. Ümid edirik ki, AİB üzvlüyünün bütün faydaları və buradan ayrılmanın itkilərinin miqyası Ermənistan cəmiyyətinə izah ediləcək ki, erməni cəmiyyəti reallığı obyektiv başa düşsün”, - nazir müavini qeyd edib.
Onun fikrincə, eyni anda iki əks ittifaqda – AİB və Avropa İttifaqında (Aİ) olmaq mümkün deyil.
Qaluzin vurğulayıb ki, AİB bərabərhüquqlu dövlətlərin birliyidir, Aİ isə anti-Rusiya iddiaları olan quruluşdur.
