BAKI, 13 avqust. TELEQRAF

Ukrayna Silahlı Qüvvələrinin Su-27 qırıcı təyyarəsinin pilotu Rusiya ordusunun dron operatorlarının yerləşdiyi komanda məntəqəsini məhv edib.

Teleqraf xəbər verir ki, bu barədə Ukrayna Hərbi Hava Qüvvələrinin Oleksandr Dovxaç adına 39-cu Taktiki Aviasiya Briqadası məlumat yayıb.

“Ukrayna Hərbi Hava Qüvvələrinin pilotu Rusiya qoşunlarının şəxsi heyətinin, o cümlədən dron operatorlarının yerləşdiyi idarəetmə məntəqəsinə aviazərbə endirib”, - açıqlamada bildirilib.

Ekipaj zərbə zamanı iki idarəolunan aviasiya bombası atıb.

Briqadanın məlumatına görə, zərbə nəticəsində hədəf tamamilə məhv edilib, içəridə olan Rusiya hərbçiləri isə zərərsizləşdirilib.