BAKI, 21 may. TELEQRAF
“Belarusun Ukraynadakı müharibəyə qarışmaq niyyəti yoxdur, amma ölkə yalnız ərazisinə hücum edilərsə, müharibəyə cəlb edilə bilər”.
Teleqraf xəbər verir ki, bunu Belarus Prezidenti Aleksandr Lukaşenko deyib.
“Bu, yalnız bizi müharibəyə, o cümlədən Ukraynaya qarşı müharibəyə cəlb etsələr, baş verəcək. Yəni ölkəmizə təcavüz etsələr. Amma bizim Ukraynada müharibəyə cəlb olunmaq niyyətimiz yoxdur. Buna ehtiyac yoxdur. Nə mülki, nə də hərbi baxımdan”, - dövlət başçısı qeyd edib.
