BAKI, 15 aprel. TELEQRAF
Ukrayna müdafiə qüvvələri Rusiya ordusunun sərhəddə Sumı vilayətinə hücumunun qarşısını alıb.
Teleqraf xəbər verir ki, bu barədə Ukrayna Dövlət Sərhəd Xidməti məlumat yayıb.
Məlumatda deyilir ki, sərhəd xidmətinin 5-ci dəstəsinin döyüşçüləri Sumıya daxil olmağa cəhd göstərən Rusiyanın hücum qruplarını məhv ediblər.
"PUA operatorlarının səmərəli əməyi sayəsində düşmənin kvadrosiklləri, rabitə vasitələri və hücum qrupları məhv edilib”, - qurum bildirib.
Həmçinin Ukrayna sərhədçiləri Rusiyanın Sumı istiqamətində PUA-lara qarşı dəhliz yaratmaq cəhdinin qarşısını alıblar.
