BAKI, 4 aprel. TELEQRAF
İstanbul şəhər bələdiyyəsinin sədri Əkrəm İmamoğlunun həbsindən sonra kritik qərar qəbul edən müxalif Cümhuriyyət Xalq Partiyası (CHP) aprelin 6-da növbədənkənar qurultay keçirəcək.
Teleqraf xəbər verir ki, qurultayda yeganə namizədin hazırkı sədr Özgür Özəl olacağı gözlənilərkən, yeni iddia irəli sürülüb.
CHP-nin keçmiş sədri Kamal Kılıçdaroğlu namizəd olmayacağını açıqlayıb.
Jurnalist Barış Yarkadaş Kılıçdaroğlunun geri çəkilməsindən sonra iki nəfərin Özgür Özələ rəqib olacağını bildirib:
“Namizəd olmaq istəyən iki nəfər var: Müslüm Sarı və Berhan Şimşek. Müslim Sarı namizədliyini sabah elan edə bilər”.
