BAKI, 2 aprel. TELEQRAF

Türkiyə-Avropa İttifaqı (Aİ) Yüksək Səviyyəli İqtisadi Dialoqu 6 ildən sonra yenidən keçiriləcək.

Teleqraf xəbər verir ki, sabah Brüsseldə baş tutacaq dialoq iqtisadi əlaqələrin sürətləndirilməsi və tərəflər arasında strateji əməkdaşlığın dərinləşməsi baxımından mühüm əhəmiyyət kəsb edir.

Məsələ ilə bağlı sosial mediada açıqlama verən Türkiyənin maliyyə naziri Mehmet Şimşek Aİ ilə əməkdaşlığa hazır olduqlarını bildirib:

“Türkiyə-Aİ Yüksək Səviyyəli İqtisadi Dialoqu 6 ildən sonra yenidən keçiriləcək. Dialoq hər iki tərəfin marağındadır və Avropa İttifaqının iqtisadi bütövlüyü Türkiyənin güclü inteqrasiyası ilə daha da yaxşılaşacaq. Avropa İttifaqı ilə daha güclü və strateji əməkdaşlığa hazırıq”.