BAKI, 25 sentyabr. TELEQRAF

Özbəkistan Prezidenti Şavkat Mirziyoyev Gürcüstan Baş naziri İrakli Kobaxidze ilə telefon danışığı aparıb.

Teleqraf xəbər verir ki, dövlət başçısı İrakli Kobaxidzeni doğum günü münasibətilə təbrik edib.

Özbəkistan Prezidentinin iyulun 2-3-də Gürcüstana dövlət səfərinin nəticələri üzrə əldə edilmiş razılaşmaların icrası çərçivəsində Özbəkistan-Gürcüstan strateji tərəfdaşlıq münasibətlərinin daha da genişləndirilməsi məsələləri müzakirə edilib.

Qarşılıqlı ticarət dövriyyəsinin artırılmasına, sənaye və nəqliyyat sahələrində əməkdaşlığın genişləndirilməsinə xüsusi diqqət yetirilib.