BAKI, 18 may. TELEQRAF
Türkmənistan Prezidenti Sərdar Berdiməhəmmədov mayın 22-də Aşqabadda keçiriləcək MDB Hökumət Başçıları Şurasının iclası çərçivəsində nümayəndə heyətlərinin rəhbərləri ilə ikitərəfli görüşlər keçirəcək.
Teleqraf xəbər verir ki, tədbirin proqramına MDB dövlətlərinin nümayəndə heyətlərinin rəhbərləri arasında danışıqlar, eləcə də MDB-nin müvafiq strukturlarında nümayəndə heyətlərinin rəhbərlərinin görüşləri daxildir.
İclasdan sonra bir sıra sənədlərin imzalanması planlaşdırılır.
Zirvə görüşü Türkmənistan Xarici İşlər Nazirliyi tərəfindən MDB İcraiyyə Komitəsi ilə birgə təşkil olunur. Baş nazirin müavini və xarici işlər naziri Rəşid Meredov Nazirlər Kabinetinin iclasında hazırlıq işləri barədə məlumat verib. Türkmənistan bu il MDB-yə sədrlik edir. İlin əvvəlindən bəri təşkilatın müvafiq şuralarının və komissiyalarının iclasları onun sədrliyi çərçivəsində keçirilib.
Sərdar Berdiməhəmmədov ölkənin MDB ilə ticari-iqtisadi, mədəni və humanitar sahələrdə əməkdaşlığı ardıcıl olaraq inkişaf etdirdiyini vurğulayıb və xarici işlər nazirinə qarşıdan gələn tədbirin yüksək səviyyədə təşkilini təmin etməyi tapşırıb.
