BAKI, 1 aprel. TELEQRAF
Korrupsiyada şübhəli bilinən Qırğızıstan Joqorku Keneşinin keçmiş deputatı Şairbek Taşiyev saxlanılıb.
Teleqraf xəbər verir ki, bu barədə Qırğızıstan Daxili İşlər Nazirliyi məlumat yayıb.
Saxlanılma “Qırğızmunayqaz” ASC-də korrupsiya ilə bağlı cinayət işi çərçivəsində həyata keçirilib.
Martın 14-də Şairbek Taşiyev könüllü olaraq deputat mandatından istefa verib. Qırğızıstan Mərkəzi Seçki Komissiyası onun deputat səlahiyyətlərini vaxtından əvvəl ləğv edib.
Xatırladaq ki, Şairbek Taşiyev fevralın 10-da vəzifəsindən uzaqlaşdırılan Qırğızıstan Milli Təhlükəsizlik Komitəsinin keçmiş rəisi Kamçıbek Taşiyevin qardaşıdır.
