BAKI, 2 aprel. TELEQRAF

ABŞ Prezidenti Donald Tramp rusiyalı həmkarı Vladimir Putindən məyusdur, onun baş qatdığına inanır.

Teleqraf xəbər verir ki, bunu ABŞ-nin “Fox News” kanalının müxbiri Ceki Haynrix deyib.

Onun sözlərinə görə, Amerika lideri Rusiyanın Ukraynada atəşkəslə bağlı danışıqlarda ləng hərəkətini bəyənmir, bu səbəbdən ona qarşı aqressiv cavab hazırlayır.

“Buna cavab olaraq, Tramp administrasiyası Rusiyaya qarşı “kölgə donanması” da daxil olmaqla, bir çox istiqamətlərdə daha sərt sanksiyaların icrasını planlaşdırır. Rusiyanın Baltik dənizi ilə qanunsuz şəkildə neft daşıyan “kölgə donanması”nın qarşısının alınması təzyiq üçün yaxşı hədəf olardı. Donanmanın böyük hissəsi artıq sanksiyalara məruz qalıb və Rusiyada qeyri-qanuni neft satışının 70%-i onun istifadəsi hesabına baş verir”, - Haynrix bildirib.