BAKI, 2 sentyabr. TELEQRAF
“Hörmüz boğazından daşınan neft və bu su yolundan yan keçən boru kəmərləri ilə nəql olunan neft də nəzərə alındıqda, Bəsrə körfəzi regionundan daşınan neftin həcmi İranla müharibədən əvvəlki səviyyəni ötüb”.
Teleqraf xəbər verir ki, bunu ABŞ-nin energetika naziri Kris Rayt deyib.
“Sentyabrın 1-də təxminən 17 milyon barel neft və neft məhsulu gəmilərlə Hörmüz boğazı vasitəsilə daşınıb. Bu, İranla müharibənin başlamasından bəri qeydə alınan ən yüksək göstəricidir”, - nazir bildirib.
Raytın sözlərinə görə, daha 4-5 milyon barel neft Hörmüz boğazından yan keçən boru kəmərləri vasitəsilə daşınıb: “Müharibə başlamazdan əvvəl hər gün təxminən 20 milyon barel neft və neft məhsulu Hörmüz boğazı vasitəsilə daşınırdı ki, bu da dünya üzrə tələbatın təxminən 20 faizinə bərabər idi”.
Kris Rayt avqustun əvvəlində Hörmüz boğazından orta hesabla gündə təxminən 9 milyon barel neft daşındığını açıqlamışdı.
İran Hörmüz boğazının bağlı olduğunu, yalnız ABŞ-nin Tehranın şərtlərini yerinə yetirəcəyi təqdirdə açılacağını iddia edir.
