BAKI, 14 may. TELEQRAF

“Birləşmiş Ərəb Əmirlikləri (BƏƏ) ABŞ və İsrailin İrana qarşı müharibəsində birbaşa iştirak edib”.

Teleqraf xəbər verir ki, bunu İran xarici işlər naziri Abbas Əraqçi deyib.

Birləşmiş Ərəb Əmirliklərinə müraciət edən nazir bildirib: “İsraillə koalisiya da sizi qorumadı”.

Əraqçi iddia edib ki, BƏƏ müharibə zamanı öz ərazilərindən İrana qarşı artilleriya və texnika atəşi üçün istifadə olunmasına icazə verib.

“Birləşmiş Ərəb Əmirlikləri bizə qarşı müharibədə fəal tərəfdaşdır, buna şübhə yoxdur. Amma Birləşmiş Ərəb Əmirliklərindəki qardaşlarımızın bizə qarşı müharibəyə fəal şəkildə qoşulmasından təəccüblənmişik”.

İran xarici işlər naziri əlavə edib ki, BƏƏ-nin İsraillə işbirliyi bağışlanmazdır.