BAKI, 7 mart. TELEQRAF

Azərbaycan xarici işlər naziri Ceyhun Bayramov Özbəkistan xarici işlər naziri Bəxtiyor Saidov ilə görüşüb.

Teleqraf xəbər verir ki, bu barədə Xarici İşlər Nazirliyi məlumat yayıb.

Görüş Türk Dövlətləri Təşkilatının Xarici İşlər Nazirləri Şurasının qeyri-rəsmi iclası çərçivəsində baş tutub.

Nazirlər Azərbaycan-Özbəkistan strateji müttəfiqliyi, siyasi, iqtisadi və regional sahələrdə əməkdaşlığın genişləndirilməsi perspektivləri, eləcə də Türk Dövlətləri Təşkilatı çərçivəsində koordinasiya ilə bağlı mövzuları müzakirə ediblər.

Onlar həmçinin Yaxın Şərqdə davam edən hərbi eskalasiya ilə bağlı fikir mübadiləsi aparıblar.