CƏLİLABAD, 18 sentyabr. TELEQRAF

Cəlilabad şəhəri ərazisində ağır zəncirvari yol-nəqliyyat hadisəsi baş verib.

Teleqraf-ın Cənub bürosu xəbər verir ki, hadisə hərəkətdə olan “VAZ-21011” markalı avtomobilin dönmə əməliyyatı yerinə yetirdiyi zaman baş verib.

Arxadan gələn “Mercedes” markalı avtomobil “VAZ-21011”ə çırpılıb. Zərbənin təsirindən “VAZ-21011” yoldan çıxaraq əks istiqamətdə hərəkətdə olan “VAZ-2106” markalı avtomobillə toqquşub.

Qəza nəticəsində 2010-cu il təvəllüdlü Mirzəzadə Fatimə, 1980-ci il təvəllüdlü Mirzəzadə Cəlal, 1979-cu il təvəllüdlü Quliyev Elçin və 2010-cu il təvəllüdlü Məmmədova Şəfa xəsarət alıblar.

Faktla bağlı araşdırma aparılır.

Medial