BAKI, 29 iyun. TELEQRAF

Artıq emitent banklar və zi fintexlər tərəfindən bankların mobil tətbiqlərində AzQR ödənişlərin tətbiqi imkanı yaradılıb. AzQR ödənişləri əməliyyatlarının say bu ay üzrə 40 milyona yaxınlaşıb.

Teleqraf xəbər verir ki, bu barədə Mərkəzi Bankın Ödəniş sistemləri və məhsullarının inkişafı departamentinin direktoru Əfqan Abbasov jurnalistlərə açıqlamasında deyib.

O bildirib ki, bu illik müqayisə 30 dəfədən çox artım deməkdir:

“Gündəlik həyatımızda artıq rastlaşırsınız, azQR ödənişləri artıq bəzi POS-terminallarda dəstəklənir. Vətəndaşlarımız artıq bunu dəstəkləyən bankların və fintech-lərin mobil tətbiqləri vasitəsilə azQR ödənişlərini icra edə bilirlər”.

Ə.Abbasov əlavə edib ki, AzQR ödənişləri bizneslər və ekvayyerlər üçün bir sıra üstünlüklər yaradır:

“Bunlara komissiya xərclərinin nisbətən aşağı olması və ödənişlərin dərhal hesablaşması daxildir. Nəticədə AzQR-ın tətbiqi təsərrüfat subyektləri və ekvayyerlər üçün yeni imkanlar açır. Bunun səbəbi AzQR ödənişlərinin həm statik, həm də dinamik həllər təqdim etməsidir. Bu həllərin tətbiqi yeni ödəniş imkanlarının və bazar iştirakçıları üçün yeni biznes imkanlarının formalaşmasına müsbət töhfə verir”.