BAKI, 30 dekabr. TELEQRAF

Bu ilin yanvar-noyabr aylarında “Baku Steel Company” Qapalı Səhmdar Cəmiyyətinin (QSC) ixracatında azalma qeydə alınıb.

Teleqraf xəbər verir ki, bu barədə İqtisadi İslahatların Təhlili və Kommunikasiya Mərkəzinin hazırladığı “İxrac İcmalı”nda məlumat verilib.

Hesabata əsasən, “Baku Steel Company” QSC-nin ixrac həcmi ötən il 56,8 milyon dollar olduğu halda, 2025-ci ildə bu göstərici 53,7 milyon dollara enib.

Məlumat üçün bildirək ki, kommersiya qurumlarının dövlət reyestrinə daxil edilən məlumatlardan şirkətin təşkilati-hüquqi formasının 2 dəfə dəyişdiyi görünür. Şirkət dövlət qeydiyyatına alındığı andan Məhdud Məsuliyyətli Cəmiyyət( MMC) kimi fəaliyyət göstərib. 2022-ci ildə isə Qapalı Səhmdara Cəmiyyətinə çevrilib.

Nizamnamə kapitalı 81 milyon manat olan şirkətin hazırkı baş direktoru Kamal İbrahimovdur.