BAKI, 2 aprel. TELEQRAF

Moskva Birjası İndeksi 1998-ci ildən sonra ilk dəfə 11 sessiyada ucuzlaşıb.

Teleqraf xəbər verir ki, bu, indeksin tarixdə ən uzun eniş rekordunun təkrarıdır. Sonuncu dəfə indeks defoltdan bir neçə ay əvvəl 1998-ci ildə ardıcıl olaraq 11 sessiyada düşüb.

2022-ci ildə Rusiyaya qarşı bir sıra sərt maliyyə sanksiyalarının tətbiq edildiyi ərəfədə Moskva Birjasında səhmlərin ticarəti dayandırıldı.

Hazırda Moskva Birjası İndeksində ən böyük çəki Rusiyanın üç ən böyük şirkətinin - "LUKOIL" (15,01%), "Sberbank" (13,54%) və "Qazprom" (12,52%) səhmlərinin payına düşür.