BAKI, 2 aprel. TELEQRAF

Dünya Bankı DRIVE - “Ukraynada həssas mühitlərdə dayanıqlı infrastrukturun yaradılması” layihəsi çərçivəsində bu ölkənin nəqliyyat infrastrukturunun bərpasına 432 milyon dollar ayıracaq. Bu barədə ölkənin Baş naziri Denis Şmıqal məlumat verib.

Teleqraf tass-a istinadın xəbər verir ki, DRIVE layihəsi çərçivəsində müvafiq sazişlər bu gün Kiyevdə İnkişaf Nazirliyi ilə Dünya Bankı arasında imzalanıb.

Şmıqalın sözlərinə görə, layihə ölkənin 19 rayonunda yolların və körpülərin əsaslı təmirini, avtomobil yollarının modernləşdirilməsini, modul körpülərin quraşdırılmasını, həmçinin texniki yardımı nəzərdə tutur.

Təmir-tikinti işlərini Ukraynanın Yenidənqurma və İnfrastrukturun İnkişafı üzrə Dövlət Agentliyi həyata keçirəcək.

Qeyd edək ki, Şmıxal vəsaitlərin Ukrayna büdcəsinə daxil olacağı vaxtı açıqlamayıb.