BAKI, 2 aprel. TELEQRAF

"Kiyevin Avropa İttifaqına qaz nəqlinin dayandırılması ilə bağlı qərarını ləğv etməsi bu əmtəənin ucuzlaşmasına gətirib çıxaracaq. Avropada qazın MVt/saatının qiymətinin 25 avroya enməsi gözləniləndir".

Teleqraf xəbər verir ki, bu barədə Slovakiyanın Baş naziri Robert Fitso jurnalistlərə açıqlamasında deyib.

Baş nazir bildirib ki, Avropa ölkələrində qazın qiymətinin ucuzlaşması yalnız Ukrayna ərazisindən tranzitinin bərpa olunacağı təqdirdə baş verəcək.

Qeyd edək ki, Slovakiya Rusiya qazının Ukrayna ərazisindən tranzitindən yüksək gəlir əldə edir. Bratislava qaz nəqlinin dayandırılmasından sonra əhəmiyyətli itkilərə məruz qalıb. Fitsonun sözlərinə görə, tranzitin bərpası üçün səylərini davam etdirəcək.