BAKI, 1 oktyabr. TELEQRAF
Bakı Su İdmanı Sarayında üzgüçülük üzrə “İpək Yolu” Dünya Kubokunun ilk final seansı keçirilib.
Teleqraf xəbər verir ki, Azərbaycan Üzgüçülük Federasiyasının (ASF) təşkilatçılığı, Gənclər və İdman Nazirliyinin (GİN) dəstəyi ilə keçirilən turnirin ilk günü gərgin və maraqlı mübarizəyə səhnə olub.
Yarışda 12 kateqoriya üzrə final mərhələsi baş tutub. Azərbaycan təmsilçilərindən Abdurrəhman Rüstəmov, Anastasiya Boborıkina, Anastasiya Qnusina, Mehri Abdurəhmanlı, Oqtay Hüseynov və Vlastilina Xasyanova həlledici mərhələdə mübarizə aparıblar. İdmançılarımızdan Oqtay Hüseynov 400 metr məsafəyə sərbəst, Anastasiya Boborıkina isə 200 metr məsafəyə brass üsulu ilə yarışda şəxsi göstəricilərini yeniləyiblər.
Günün əsas hadisəsinə avstraliyalı Kemeron Makevoy imza atıb. O, 50 metr məsafəyə sərbəst üsulla üzmə yarışında 20.22 saniyəlik nəticə göstərərək Dünya Kuboku tarixinin rekordunu qırıb.
İlk günün final seansının nəticələri:
Kişilər:
Sərbəst üsul (400 m): 1. Karson Foster, 2. Lukas Anvo, 3. Yubo He
Arxasıüstə üsul (200 m): 1. Piter Kutsi, 2. Bleyk Terni, 3. Dmitri Savenko
Kəpənək üsulu (100 m): 1. Cuner Çen, 2. So Oqata, 3. Daylen Karter
Brass üsulu (100 m): 1. Kiril Priqoda, 2. Kasper Korbo, 3. Haiyan Qin
Sərbəst üsul (50 m): 1. Kemeron Makevoy, 2. Yeqor Kornev, 3. Şon Nivold
Qarışıq üsul (100 m): 1. Luke Barr, 2. Şeyn Kazas, 3. Piter Kutsi
Qadınlar:
Sərbəst üsul (400 m): 1. Freya Kolbert, 2. Anna Peplovski, 3. Tiaoşan Yan
Arxasıüstə üsul (50 m): 1. Marrit Stinbergen, 2. Mariya Osetrova, 3. Ros Vanotterdiyk
Kəpənək üsulu (200 m): 1. Mohan Çanq, 2. Ellen Ualş, 3. Xiyanq Zhou
Brass üsulu (200 m): 1. Yevgeniya Çikunova, 2. Mona Mak Şerri, 3. Vitalina Simonova
Sərbəst üsul (50 m): 1. Katarjina Vasik, 2. Siobhan Höge, 3. Taylor Rak
Qarışıq üsul (100 m): 1. Marrit Stinbergen, 2. Rus Vanotterdiyk, 3. Yitinq Yu
Qeyd edək ki, oktyabrın 1-dən 3-dək keçirilən Dünya Kubokunda 44 ölkədən 216 idmançı iştirak edir.
.jpg)
.webp)
