KƏLBƏCƏR, 10 iyul. TELEQRAF

Kəlbəcər rayonunda iki mina partlayışı qeydə alınıb.

Teleqraf-ın Qərb bürosunun məlumatına görə, hadisə Kəlbəcər və Laçın rayonlarının sərhədində yerləşən yaylaq ərazisində baş verib.

İlkin məlumata əsasən, partlayış nəticəsində dörd baş xırdabuynuzlu heyvan tələf olub. Hadisə zamanı xəsarət alan olmayıb.

Qeyd edək ki, sözügedən ərazidə bundan əvvəl də mina partlayışı halları qeydə alınıb.