BAKI, 3 iyul. TELEQRAF
Gəncə şəhərində yol-nəqliyyat hadisəsi baş verib, nəticədə bir nəfər xəsarət alıb.
Teleqraf xəbər verir ki, hadisə şəhərin Mirzə Abbas Abbaszadə küçəsində qeydə alınıb.
İlkin məlumata görə, qadın sürücünün idarə etdiyi "Lynk & Co" markalı avtomobil idarəetmədən çıxaraq yoldan kənara aşıb və Gəncə Şəhər Milli Dram Teatrının köhnə binasının hasarına çırpılıb.
Qəza nəticəsində avtomobildə sərnişin qismində olan 1996-cı il təvəllüdlü Arzu Asif qızı müxtəlif bədən xəsarətləri alıb.
Yaralı təcili tibbi yardım vasitəsilə Gəncə şəhərində yerləşən xəstəxanalardan birinə çatdırılıb. Onun müalicəsinin davam etdirildiyi bildirilir.
Faktla bağlı araşdırma aparılır.
