BAKI, 2 iyul. TELEQRAF
Bakının Sabunçu rayonunda baş verən yol-nəqliyyat hadisəsi zamanı bir nəfər ağır xəsarət alıb.
Teleqraf xəbər verir ki, hadisə Bakıxanov qəsəbəsində qeydə alınıb.
Məlumata görə, 1990-cı il təvəllüdlü Rüfət Yaqub oğlu Yaqublı yolu keçmək istəyərkən minik avtomobili onu vurub.
Yaralı ağır vəziyyətdə Kliniki Tibbi Mərkəzə çatdırılıb və həkim nəzarətinə götürülüb.
Faktla bağlı araşdırma aparılır.
