AĞDAŞ, 14 oktyabr. TELEQRAF

Ağdaşda qəzaya düşən "Tamstore" əməkdaşından biri dünyasını dəyişib.

Bu barədə Teleqraf-ın Mərkəzi Aran bürosu xəbər verir.

İki gün öncə Yuxarı Nemətabad kəndi yaxınlığında iki avtomobilin iştirakı ilə baş verən yol qəzası zaman 4 yaralı xəstəxanaya çatdırılımışdı.

Onlardan biri, "VAZ" markalı avtomobilin sürücüsü, 2002-ci il təvəllüdlü Sarvan Hüseynovun həyatını xilas etmək mümkün olmayıb. O, xəstəxanada dünyasını dəyişib.

***

12:37

2025.10.12

Ağdaşda yol-nəqliyyat hadisəsi baş verib.

Teleqraf-ın Mərkəzi Aran bürosu xəbər verir ki, hadisə Yuxarı Nemətabad kəndi yaxınlığından keçən avtomagistralda baş verib.

İki avtomobilin toqquşması zamanı "Tamstore" marketlər şəbəsinin 4 əməkdaşı müxtəlif dərəcəli bədən xəsarətləri alıb.

Yaralılar - 2003-cü il təvəllüdlü Məryəm Bəkirova, 1996-cı il təvəllüdlü Ayişə Qasımzadə, 2002-ci il təvəllüdlü Sarvan Hüseynov və 1991-ci il təvəllüdlü Şahin Muatafayev müxtəlif dərəcəli xəsarətlərlə xəstəxanaya çatdırılıblar.

Faktla bağlı araşdırma aparılır.