BAKI, 27 avqust. TELEQRAF

Xırdalanda inzibati binada baş verən yanğın yanğından mühafizə bölmələri tərəfindən söndürülüb.

Bu barədə Teleqraf-a Fövqəladə Hallar Nazirliyinin Mətbuat xidmətindən məlumat verilib.

***

16:54

Fövqəladə Hallar Nazirliyinin “112” qaynar telefon xəttinə Abşeron rayonu, Xırdalan şəhərində inzibati binada yanğın baş verməsi barədə məlumat daxil olub və dərhal əraziyə FHN-in Dövlət Yanğından Mühafizə və Xüsusi Riskli Xilasetmə xidmətlərinin qüvvələri cəlb olunub.

FHN Mətbuat xidmətinindən Teleqraf-a verilən xəbərə görə, yanğınsöndürənlərin operativ müdaxiləsi sayəsində yanğın qısa müddətdə məhdudlaşdırılıb.

Əlavə məlumat veriləcək.

Qeyd edək ki, yanğın DOST Mərkəzində baş verib.