AĞCABƏDİ, 11 avqust. TELEQRAF
10 avqust saat 22:00 radələrində Ağcabədi rayonu ərazisində baş verən yol-nəqliyyat hadisəsi səbəbilə 2 nəfər (kişi cinsli) Ağcabədi Rayon Mərkəzi Xəstəxanasının Təcili tibbi yardım şöbəsinə hospitalizasiya olunub.
Bu barədə Teleqraf-ın sorğusuna cavab olaraq TƏBİB-dən məlumat verilib.
Bildirilib ki, 1962-ci il təvəllüdlü şəxsə hər iki qamış sümüyünün qəlpəli sınığı, 1996-cı il təvəllüdlü şəxsə isə bədənin müxtəlif nahiyələrinin əziyi diaqnozu təyin olunub.
1962-ci il təvəllüdlü şəxsin vəziyyəti ağır olduğundan Reanimasiya şöbəsinə yerləşdirilib.
Digər şəxsə zəruri tibbi yardım göstərildikdən sonra vəziyyəti qənaətbəxş qiymətləndirilib və ambulator müalicə üçün evə buraxılıb.
***
11:30
Ağcabədidə iki yük maşını toqquşub, sürücülər ağır xəsarət alıb.
Teleqraf-ın Qarabağ bürosunun xəbərinə görə, hadisə Mingəçevir Bəhrəmtəpə yolunun Ağcabədi rayon Qaradolaq kəndi ərazisindən keçən hissəsində baş verib.
Biləsuvar rayon sakini 1997-ci il təvəllüdlü Seymurov İsmayıl Vüqar oğlu idarə etdiyi "KamAZ" markalı yük avtomobili ilə Ağcabədi rayon Aşağı Avşar kənd sakini 1962-ci il təvəllüdlü Nadirov Əhliman Xanoğlan oğluna məxsus "KamAZ" markalı yük avtomobili ilə toqquşub.
Qəza zamanı FHN-nin Ağcabədi rayon yanğınsöndürən hissəsinin xilasediciləri sıxılı vəziyyətdə qalan Ə.Nadirovu çıxarıb. Yaralı sürücülər Ə.Nadirov və İ.Seymurov təcili tibbi yardım avtomobili ilə Ağcabədi Mərkəzi Rayon Xəstəxanasına çatdırılıb.
Faktla bağlı araşdırma başlanıb.
