BAKI, 7 oktyabr. TELEQRAF

Almaniyanın “Bayern Münhen” klubu Manuel Noyerin mümkün gedişindən sonra qapıçı axtarışına çıxıb.

Teleqraf “Sky Sports”a istinadən xəbər verir ki, 40 yaşlı qolkiperin müqaviləsinin mövsümün sonunda başa çatacağı və onun komandadan ayrılacağı ehtimalı “Bayern Münhen”i alternativlər axtarmağa vadar edib.

Namizədlər arasında hazırda “Atletiko Madrid”də Yan Oblakın ehtiyatında olan argentinalı Xuan Musso da var. 32 yaşlı qapıçı ötən yay “Napoli”yə keçməyə yaxın olsa da, transfer baş tutmayıb.

“Bayern Münhen”in siyahısında Oliver Baumann (“Hoffenhaym”), Bernd Leno (“Fulhem”), Marvin Şvebe (“Köln”), Koen Kasteels (“Əl-Qadsiyə”), Kevin Trapp (“Paris”), Frederik Rönnov (“Union Berlin”), Lukas Hradecki (“Monako”), Nik Poup (“Nyukasl”) və Rui Silva (“Sportinq”) da yer alır.

Qeyd edək ki, Manuel Noyer 2011-ci ildən “Bayern Münhen”in formasını geyinir.